အစားတလိုင်းတို့ ရက်ရှည်ခရီးသွားတဲ့အခါ လုံးဝရှောင်ကြဉ်ရမယ့် အစားအစာ (၇) မျိုး

Ads Ads Ads

“ အသွားမတော် တစ်လှမ်း၊ အစားမတော် တစ်လုပ် “ ဆိုသလိုပါပဲ။ ရက်ရှည်ခရီးတွေ သွားလာရတဲ့အခါ အစားအသောက်ကို အမြဲသတိထား ဆင်ခြင်သင့်ပါတယ်။ ကိုယ်နဲ့ မရင်းနှီးတဲ့ ဒေသအသစ်တစ်ခုကို ရောက်တဲ့အခါ တွေ့သမျှ အစားအစာကို စူးစမ်းလိုစိတ်နဲ့ ဇွတ်စားလိုက်တာမျိုးက မလုပ်သင့်ပါဘူးနော်။ 

ဒါ့အပြင် ခရီးသွားနေတဲ့ ကာလတစ်လျှောက်မှာလည်း အပြင်စာမဟုတ်ရင်တောင် မိမိအိမ်ကနေ မစဉ်းစားမိဘဲ ယူဆောင်လာတဲ့ အစားအသောက်တွေဟာ ခရီးလမ်းတစ်လျှောက်အတွက် ကြီးမားတဲ့ အန္တရာယ်နဲ့ မိမိကို ပြန်ပြီး စိတ်အနှောက်အယှက် ပေးစရာတွေ ဖြစ်လာနိုင်ပါတယ်။ 

ဒါကြောင့် ဒီကနေ့မှာတော့ အစားတလိုင်းတွေအပြင် သာမန် ခရီးသွားလေ့ ရှိတဲ့သူတွေပါ ရက်ရှည်ခရီးတွေ သွားလာတဲ့အခါ ရှောင်ကြဉ်သင့်တဲ့ အစားအစာ(၇)မျိုး အကြောင်းကို ပြောပြပေးသွားချင်ပါတယ်။ 

၁။ အသားစိမ်း၊ ငါးစိမ်းများ 

8 Best Places for Mail Order Meat, Chicken & Fish - Order Beef Online

အသားစိမ်း၊ ငါးစိမ်းတွေဟာ အခန့်မသင့်ရင် ဝမ်းကိုက်တာ၊ ဝမ်းလျှောတာမျိုး အများဆုံး ဖြစ်နိုင်ချေ ရှိတဲ့ အစားအစာတွေပါ။ ဒါ့အပြင် အစာမကြေ အများဆုံးဖြစ်တတ်တဲ့ အစားအစာတွေလည်း ဖြစ်တာကြောင့် ခရီးသွားတဲ့အခါ မိမိကို များစွာ စိတ်အနှောက်အယှက် ပေးလာနိုင်တဲ့ အစားအစာတွေပါပဲ။

၂။ ပုစွန်၊ ကဏန်းနဲ့ ပင်လယ်စာများ 

America's Best States for Seafood

ကျက်အောင်မချက်ထားတဲ့ ပင်လယ်စာတွေဟာလည်း ခရီးသွားတဲ့အခါ သင့်ကျန်းမာရေးကို တော်တော်လေး အနှောက်အယှက် ဖြစ်စေနိုင်ပါတယ်။ ဒါ့အပြင် ကိုယ်နဲ့မရင်းနှီးတဲ့ နယ်မြေက ပင်လယ်စာတွေဟာ မိမိအစာအိမ်နဲ့ ကိုက်ညီမှု ရှိ၊မရှိ မသိနိုင်တာကြောင့် အခန့်မသင့်ရင် အလက်ဂျစ် ထစေပြီး ကျန်းမာရေးကို အနှောက်အယှက် ပေးနိုင်တဲ့ အစားအသောက်ပါ။ 

၃။ လမ်းဘေးစာများ 

Cuisines from around the world – Say 'namaste' to Indian street food -  Bunzl Catering Supplies

ဒေသအသစ်က လမ်းဘေးစာတွေဟာ သန့်ရှင်းမှုကို အာမမခံနိုင်ပါဘူး။ အကယ်၍ သန့်ရှင်းခဲ့ရင်တောင် ကိုယ်နဲ့ တည့်မတည့်ဆိုတာ ရှိပါသေးတယ်။ လမ်းဘေးစာတွေဟာ အခန့်မသင့်ရင် ဝမ်းပျက်ဝမ်းလျှောခြင်းကို တွန်းအားပေးတဲ့ အစားအစာတွေပါ။ 

၄။ အေးခဲထားသော အစားအစာများ 

Freezing Food and Frozen Food Safety

Frozen Food တွေဟာ ခရီးသွားတဲ့အခါ လုံးဝယူမသွားသင့်တဲ့ အစားအစာတွေပါ။ ဆရာဝန်များရဲ့ ပြောကြားချက်အရ အေးခဲထားတဲ့ အစားအစာတွေဟာ ထားနေကျ အပူချိန်ကနေ ပြောင်းလဲသွားလို့ အချိန်ကြာလာရင် လူကို အန္တရာယ်ဖြစ်စေတဲ့ ဘတ်တီးရီးယားတွေကို ပေါက်ဖွားလာနိုင်စေပါတယ်။ ဒါကြောင့် လုံးဝ ယူမသွားသင့်ပါဘူးနော်။ 

၅။ မှိုများ 

Autumn Restaurant Trends in London Include Wild Mushrooms Everywhere -  Eater London

မှိုတွေဟာ မတူညီတဲ့ ဒေသတွေမှာ မတူညီတဲ့ မြေဆီလွှာ အသီးသီးကနေ ပေါက်ရောက်နိုင်ကြပါတယ်။ စားနေကျ မှိုအမျိုးအစား ဖြစ်တယ်ဆိုတိုင်း ဒေသအသစ်တစ်ခုက မှိုတွေကို အလွယ်တကူ စားသုံးတာမျိုး မပြုလုပ်သင့်ပါဘူးနော်။ အခန့်မသင့်ရင် မှိုဆိပ်တက်တဲ့ အန္တရာယ်ကို ကြုံတွေ့နိုင်ပါတယ်။ 

၆။ နွားနို့နဲ့ ဒိန်ချဉ်များ 

Dairy fat— newfound friend or (still) a foe? - Chicago Sun-Times

နို့နဲ့နို့ထွက်ပစ္စည်းတွေဖြစ်တဲ့ နွားနို့နဲ့ ဒိန်ချဉ်ဟာ ခရီးသွားတဲ့အခါ လုံးဝကို ရှောင်ရမယ့် အစားအစာပါပဲ။ နို့ထွက်ပစ္စည်းတွေဟာ အပူချိန် ပြောင်းလဲသွားတာနဲ့ အမျှ ချဉ်စေတဲ့ ဓာတ်တွေနဲ့ အက်ဆစ်ဓာတ်တွေကို အများဆုံး ထုတ်ပေးနိုင်ပါတယ်။ အခန့်မသင့်ရင် ဝမ်းကိုက်တာမျိုး ဖြစ်တတ်တာကြောင့် လုံးဝရှောင်ကြဉ်သင့်ပါတယ်နော်။ 

၇။ ထမင်းကြော်များ 

Easy Fried Rice Recipe | Serious Eats

ကားနဲ့ခရီးသွားတဲ့အခါ ထမင်းကြော်ကို လုံးဝရှောင်ကြဉ်သင့်ပါတယ်။ ထမင်းကြော်က ရင်ပြည့်စေတဲ့ အစားအစာ ဖြစ်တာကြောင့် အစာအိမ်မကောင်းတဲ့သူတွေ၊ အလွယ်တကူ ရင်ပြည့်တတ်သူတွေ စားမိရင် ခရီးတစ်လျှောက် တော်တော်ကို စိတ်အနှောက်အယှက် ပေးလာနိုင်တဲ့ စားစရာ တစ်မျိုးပါပဲ။ 

Travel Food and Drink Read 58 times