MMDC နှင့် လူထုဓာတ်ခွဲခန်းသည် မြန်မာနိုင်ငံတွင် (၁၄)နှစ် ကျော်တိုင်အောင် ပြည်သူ့ကျန်းမာရေး စောင့်ရှောက်မှု လုပ်ငန်းများကို အစဉ်တစိုက် ဆောင်ရွက်ခဲ့သော ပုဂ္ဂလိကလုပ်ငန်းတစ်ခုဖြစ်ပါသည်။ ရန်ကုန်မြို့ လမ်းမတော်မြို့နယ်တွင် ရုံးချုပ်တည်ရှိပြီး မည်သည့်အဖွဲ့အစည်းနှင့်မျှ ပတ်သက်ဆက်စပ်ခြင်းမရှိသော မြန်မာတိုင်းရင်းသားပိုင် လုပ်ငန်းတစ်ခုဖြစ်ပါသည်။ ရုံးချုပ်တည်ရှိရာ MAC Tower တွင် အခြားပုဂ္ဂလိကလုပ်ငန်းများနှင့်အတူ လုပ်ငန်းလည်ပတ်လျှက်ရှိပါသည်။ ထို့အပြင် ကိုဗစ်ကာလအတွင်း၌လည်း အမှန်တကယ်လိုအပ်နေသော ပြည်သူလူထု၏ ကျန်းမာရေးစောင့်ရှောက်မှုများအတွက် ပရဟိတအဖွဲ့အစည်းများစွာနှင့် ပူးပေါင်း၍ ဝန်ဆောင်မှုပေးခဲ့သော လုပ်ငန်းတစ်ခုလည်းဖြစ်ပါသည်။ သို့သော် ၎င်းတည်ရှိနေသော ကောင်းသတင်းကို ထိခိုက်စေခြင်းအလို့ငှာ မရိုးမဖြောင့်သော ရည်ရွယ်ချက်ဖြင့် လူမှုကွန်ယက်စာမျက်နှာများတွင် ရေးသားဖော်ပြလာခြင်းကို တွေ့ရှိရပါသည်။ သို့ဖြစ်ပါသောကြောင့် ကျွန်တော်တို့ MMDC နှင့်လူထုဓာတ်ခွဲခန်းသည် မူလရည်မှန်းချက်အတိုင်း ပြည်သူလူထု၏ ကျန်းမာရေး‌စောင့်ရှောက်မှုများကို အထူးသဖြင့် ယခုကဲ့သို့ ပုဂ္ဂလိကကျန်းမာရေး စောင့်ရှောက်မှုကို ပိုမိုလိုအပ်နေသော အချိန်တွင် အရှုံးအမြတ်ကို ပဓာနမထားပဲ အထူးအလေးထား ဆက်လက် ဝန်ဆောင်မှုပေးသွားမည်ဖြစ်ကြောင်း အသိပေးအပ်ပါသည်။