ဧရာဝတီဖောင်ဒေးရှင်း၏ လှူဒါန်းမှု ဦးဆောင်ကာ မန္တလေးမြို့၊ ချမ်းမြသာစည် မြို့နယ်၊ မန္တလာသီရိ အားကစားကွင်း အတွင်း၌ ကိုဗစ်-၁၉ အတည်ပြု လူနာများကို ကျန်းမာရေး စောင့်ရှောက်မှု ပေးနိုင်မည့် ယာယီစင်တာ တစ်ခုကို စတင် တည်ဆောက်တော့မည် ဖြစ်ကြောင်း မန္တလေး သတင်းကွန်ရက် ဖေ့စ်ဘုတ်ခ်စာမျက်မှာမှ တစ်ဆင့် သိရသည်။
၎င်းစင်တာတွင် ကိုဗစ်-၁၉ ရောဂါ အတည်ပြု လူနာ (၃၀၀) အတွက် ကျန်းမာရေး စောင့်ရှောက်မှု ပေးနိုင်ရန် စီစဉ်ထားပြီး အဆောင် အရေအတွက် စုစုပေါင်း (၃) ဆောင် ဆောက်လုပ်မည်ဟု ဆိုသည်။
အဆောင် ဆောက်လုပ်ရန်အတွက် တည်ဆောက်ရေး ပစ္စည်းများ စတင် ရောက်ရှိနေပြီ ဖြစ်ပြီး အချိန် (၁၀) ရက်အတွင်း Facilities ထည့်ပြီးသည်အထိ အချောသတ် ပြီးစီးနိုင်မည်ဟု သိရသည်။ မန္တလေးတိုင်း အစိုးရ အနေဖြင့်လည်း ၎င်းစင်တာအတွက် လိုအပ်သော ပံ့ပိုးမှုများ ပြုလုပ်သွားမည် ဖြစ်သည်ဟု ဝန်ကြီး ချုပ် ဒေါက်တာ ဇော်မြင့်မောင်က ပြောကြားသည်။
လူနာများ ထားရှိမည့် နေရာများ၌ ရေရရှိရန်၊ လျှပ်စစ်မီး ရရှိရန်၊ သန့်စင်ခန်းများ သန့်ရှင်းရေး ကောင်းမွန်စေရန်နှင့် လုံခြုံရေး ကောင်းမွန်စေရန် စသဖြင့် စနစ်တကျ စီမံခန့်ခွဲသွားမည်ဟု ဆိုသည်။
အဆိုပါ အားကစားကွင်းရှိ ဘက်စကတ်ဘော အားကစားခန်းမ အပါအဝင် ကျောင်းသား အဆောင်များကိုလည်း ကွာရန်တင်း စင်တာအဖြစ် ပြုလုပ်ရန် စီစဉ်လျက် ရှိကြောင်း သိရသည်။
လက်ရှိ မန္တလေးခရိုင်နှင့် အနီးတဝိုက် မြို့နယ်၊ ဒေသများမှ ကိုဗစ်အတည်ပြု လူနာများကို
စသည့် ဆေးရုံကြီးများ၌ လက်ခံထားရှိကာ ကျန်းမာရေး စောင့်ရှောက်မှု ပေးနေခြင်း ဖြစ်သည်။
ပိုးတွေ့ လူနာများနှင့် ထိတွေ့မိသူများအတွက် Facility Quarantine Centre များကိုမူ
စသည်တို့တွင် အသွားအလာကန့်သတ် စောင့်ကြည့်လျက် ရှိကြောင်း သိရသည်။
Sign In with Google