COVID-19 ချေးငွေလျှောက်ထားသူ (၁၀,၀၀၀) ကျော်ထဲမှ ချေးငွေရရှိသူများကို ပြန်လည် စိစစ်မည်

By Thant 

နိုင်ငံတော်မှ COVID-19 ကာလအတွင်း ထိခိုက် ဆုံးရှုံးခဲ့ရသော လုပ်ငန်းများကို ဒုတိယအကြိမ်မြောက် ချေးငွေလျှောက်ထားခွင့်ပြုခဲ့ပြီး လျှောက်လွှာများကို UMFCCI နှင့် MRCCI တို့မှတစ်ဆင့် ဇူလိုင်လ (၂၉) ရက်နေ့မှ ဩဂုတ်လ (၁၀) ရက်နေ့ လက်ခံခဲ့ပြီး လျှောက်လွှာပေါင်း တစ်သောင်းကျော်ကို လက်ခံရရှိခဲ့သည်။

ချေးငွေထုတ်ပေးရာတွင်... 

• စိုက်ပျိုးရေး၊ မွေးမြူရေးနှင့် ရေထွက်ပစ္စည်း ထုတ်လုပ်သည့် လုပ်ငန်းများ၊ 
• ပြည်ပပို့ကုန် ထုတ်လုပ်သည့် ကုန်ထုတ်လုပ်ငန်းများ၊ 
• သွင်းကုန်အစားထိုးပစ္စည်း ထုတ်လုပ်သည့် ကုန်ထုတ်လုပ်ငန်းများ၊ 
• ပြည်တွင်း ထုတ်လုပ်မှုမှ ပြည်ပတင်ပို့သည်အထိ ထုတ်လုပ်မှု ကွင်းဆက်တစ်လျှောက် ပါဝင် ဆောင်ရွက်သည့် လုပ်ငန်းများ၊ 
• စားသောက်ကုန် ထုတ်လုပ်သည့် လုပ်ငန်းများ၊ 
• ပြည်ပအလုပ်အကိုင် ဝန်ဆောင်မှုလုပ်ငန်းများနှင့် 
• အသက်မွေးဝမ်းကျောင်းပညာသင် ကျောင်းများ 
• စသည်တို့ကို အဓိက ဦးစားပေး လုပ်ငန်းကဏ္ဍများအဖြစ် သတ်မှတ်ထားသည်။

ဒုတိယအကြိမ်မြောက် COVID-19 ချေးငွေ လျင်မြန်စွာ ထုတ်ချေးပေးနိုင်ရေးအတွက် သြဂုတ်လ (၂၆) ရက်နေ့ ညနေပိုင်းတွင် စီးပွားရေး သက်ရောက်မှုများအပေါ် ကုစားရေး လုပ်ငန်းအဖွဲ့ (Task Force) အဖွဲ့ခေါင်းဆောင် ဦးရဲမင်းဦးနှင့်  အသင်းချုပ်မှ တာဝန်ရှိသူများ တွေ့ဆုံ ဆွေးနွေးခဲ့သည်။ 

မန္တလေးမြို့ရှိ ကုန်သည်စက်မှုအသင်းရုံး (MRCCI) သို့ သြဂုတ် (၁၀) ရက်နေ့ထိ ကိုယ်တိုင် ချေးငွေလျှောက်လွှာ တင်သွင်းသူ (၆၄၈) ဦး၊ ရန်ကုန်မြို့ရှိ  ကုန်သည်စက်မှု အသင်းချုပ် (UMFCCI)  သို့  သြဂုတ်လ  (၉)  ရက်အထိ  ကိုယ်တိုင် လာရောက်၍ လျှောက်လွှာ တင်သွင်းသူ (၁၄၁၉) ဦးနှင့် Online  မှ လျှောက်ထားသူ (၃၀၂) ဦး ရှိခဲ့သည်။

Source: UMFCCI