Covid-19 မတော်တဆ ကြုံတွေ့ခဲ့ရင် စိတ်ဓာတ်ပိုင်းရာအရ ဘယ်လိုဖြတ်ကျော် နေထိုင်ကြမလဲ?

AIA Myanmar မှ ကြီးမှူးကျင်းပပြီး  အပတ်စဥ် တင်ဆက်ပေးနေကျ အစီအစဥ်လေးတစ်ခုဖြစ်တဲ့ “In The Loop Myanmar ER” Online Forum ကို ဒီဇင်ဘာ(၉)ရက်နေ့ ညနေ(၅)နာရီ အချိန်မှာ ကျင်းပပြုလုပ်ခဲ့ပါတယ်။

ဒီအစီအစဥ်လေးမှာဆိုရင် မတူညီတဲ့ နယ်ပယ်အသီးသီးက အောင်မြင်တဲ့သူတွေက သူတို့ကြုံတွေ့ရတဲ့ အကြောင်းအရာတွေကို ဗဟုသုတရရှိစေဖို့အတွက် ပြောကြားဆွေးနွေးပေးနေတာပဲ ဖြစ်ပါတယ်။COVID-19 ကာလအတွင်း မမျှော်လင့်ထားတဲ့ စိန်ခေါ်မှုတွေကို ကိုယ်တိုင်ကြုံတွေ့ရတဲ့ အချိန်မှာ ဘယ်လို ဖြတ်ကျော်ခဲ့ရပြီး မတော်တဆ Covid-19 ကို ကြုံတွေ့ခဲ့ရမယ်ဆိုရင် ဘယ်လိုကျော်ဖြတ် နေထိုင်သင့်လဲ ဆိုတဲ့ အကြောင်းအရာတွေကို ဒီပွဲလေးမှာ ဆွေးနွေးသွားတာပဲ ဖြစ်ပါတယ်။

ဒီဆွေးနွေးပွဲမှာဆိုရင် Counselling Corner ရဲ့ Founder & Psychotherapist ဖြစ်တဲ့ ဦးအောင်မင်းသိန်း၊ Advocate & Consultant တစ်ဦးဖြစ်တဲ့ မယမုံ (Scarlett)၊ ဖောင်ကြီး Covid စင်တာမှာVolunteer အဖြစ် တာဝန်ထမ်းဆောင်ခဲ့တဲ့ ဒေါက်တာ စိန်ဖြိုးလှိုင် (ခ) သရုပ်ဆောင် မောင် နဲ့ Covid 19 ရောဂါကုသရေး Ayeyarwady Center မှ လက်ရှိတာဝန် ထမ်းဆောင်နေတဲ့ ဒေါက်တာ ကောင်းမြတ်စိုးတို့က ပါဝင်ဆွေးနွေးခဲ့ကြခြင်း ဖြစ်ပါတယ်။

ဆွေးနွေးပွဲမှာဆိုရင် သရုပ်ဆောင် မောင် (ဒေါက်တာ စိန်ဖြိုးလှိုင်) အနေနဲ့ ဒီရောဂါကို မကြုံဖူးသေးတဲ့အတွက် မကြောက်ကြသေးကြောင်း၊ ကိုယ်တစ်ယောက်ထဲ ကူးစက်ရုံတင်မကပဲ ကိုယ်တိုင်ကူးစက်ပါက ကိုယ်ချစ်ရတဲ့ မိသားစုတွေပါ ကူးစက်ခံရတဲ့ ရောဂါဖြစ်တဲ့အတွက် အသိဉာဏ်လေးနဲ့ ယှဉ်ပြီး ကူးစက်မခံရအောင် ကာကွယ်သင့်တဲ့အကြောင်းတွေကို ပြောကြားသွားခဲ့တာ ဖြစ်ပါတယ်။

မယမုံ (Scarlett) ပြောကြားသွားတဲ့ အကြောင်းအရာတွေကတော့  နေ့ရက်တိုင်းကို တန်ဖိုးထားရန် ကြိုးစားသင့်ပြီး ကိုယ့်ခံစားချက်တွေကို မဝေဖန်ဖို့ လိုအပ်ကြောင်း၊ နေ့ရက်တိုင်းမှာ အကောင်းမြင်ဖို့ မလွယ်ပေမယ့် သတိရတဲ့အချိန်တိုင်း အကောင်းမြင်ဖို့အတွက် အစပြုသင့်ကြောင်း  စိတ်ဓာတ်ခွန်အားတက်စေရန်အတွက် ပြောကြားခဲ့ပါတယ်။

လက်ရှိ (Quarantine Center) မှာ တာ၀န်ထမ်းဆောင်နေတဲ့ ဒေါက်တာကောင်းမြတ်ထွန်းကတော့
ရောဂါတစ်ခု ဖြစ်သွားပြီဆိုရင် စိတ်ခွန်အားက အဓိက လိုအပ်တဲ့အတွက် စိတ်ဓာတ်ခွန်အားနှင့်သာ ကျော်ဖြတ်သင့်တဲ့ အကြောင်း စတဲ့ ကိုဗစ်ကို မတော်တဆ ကြုံတွေ့ခဲ့ရမယ်ဆိုရင်  ဘယ်လိုတွေ ဖြတ်ကျော်သင့်လဲ စတဲ့အကြောင်းအရာ အစုံအလင်ကို ဆွေးနွေးခဲ့ကြခြင်းဖြစ်ပါတယ်။

ဆွေးနွေးပွဲကို ကြည့်ရှုချင်တယ်ဆိုရင်တော့ အောက်ပါ LINK ကနေ ပြန်လည်ကြည့်ရှုနိုင်ပါတယ်။
https://fb.watch/2ki9sNnhNW/