ကိုဗစ်ကာလအတွင်း အလုပ်အကိုင် ခက်ခဲနေသော အခြေခံလူတန်းစားများအတွက် နိုင်ငံတော်မှ ထောက်ပံ့ကြေးငွေများ ယခု ဇန်နဝါရီလအတွင်း ထပ်မံပေးအပ်မည် ဖြစ်ကြောင်း ကြေညာချက်အရ သိရသည်။
နိုင်ငံတော်မှ အခြေခံလူတန်းစားများအတွက် ထောက်ပံ့ကြေးငွေများကို ကိုဗစ် ပထမလှိုင်းနှင့် ဒုတိယလှိုင်းအတွင်း ပေးအပ် ထောက်ပံ့ခဲ့ပြီး ယခုလတွင်လည်း လက်လုပ်လက်စား ပြည်သူများအတွက် (၅)ကြိမ်မြောက် ထပ်မံ ပေးအပ်ခြင်း ဖြစ်သည်။
၎င်းထောက်ပံ့ကြေးများ ပေးအပ်ရာတွင် တစ်နိုင်ငံလုံးတွင် ရှိသော အခြေခံ လူတန်းစားများအတွက် ဝေမျှပေးအပ်သွားမည် ဖြစ်ကာ တစ်ဦးလျှင် ငွေကျပ်နှုန်းထား (၂)သောင်းထက်မနည်း ပေးသွားမည်ဖြစ်သည်ဟု သိရသည်။
ယခု အကြိမ်တွင်မူ ယခင်က မရရှိခဲ့သော အခြေခံပြည်သူများအား သေချာ စိစစ်ရှာဖွေကာ အပြည့်အဝ ပေးအပ်သွားမည် ဖြစ်ပြီး ဇန်နဝါရီ လအတွင်းတွင် စတင်ပေးအပ်မည် ဖြစ်ကြောင်း အုတ်တွင်းမြို့နယ် ပြည်သူ့လွှတ်တော် ကိုယ်စားလှယ် ဒေါ်ချိုချိုက ပြောကြားခဲ့သည်။
ပြီးခဲ့သော (၂၀၂၀)ခုနှစ်၊ ဇူလိုင်လ၊ ဩဂုတ်လနှင့် စက်တင်ဘာလများတွင် အိမ်ထောင်စုတစ်စုလျှင် ငွေကျပ် (၂၀,၀၀၀) နှုန်းဖြင့် ထောက်ပံ့ခဲ့ပြီး အိမ်ထောင်စုပေါင်း (၅.၇)သန်းအတွက် ငွေကျပ် (၄၀၄.၇၃၅) ဘီလီယံ ပေးအပ်ခဲ့ကြောင်း သိရသည်။
ထို့ပြင် အစိုးရမှ ပြီးခဲ့သည့် နိုဝင်ဘာလအတွင်း စတုတ္ထအကြိမ် ထောက်ပံ့ရာတွင်
စသဖြင့် အိမ်ထောင်စုပေါင်း (၆.၁)သန်းခန့်အတွက် ငွေကျပ် (၁၆၃.၉၀၅) ဘီလီယံကို စတင်ပေးအပ် ထောက်ပံ့ခဲ့ကြောင်း သိရသည်။