မန္တလေးတိုင်းမှ လူမှုဖူလုံရေးတွင် စရင်းသွင်းထားသော ဝန်ထမ်းများ လုပ်ခလစာ၏ (၄၀) ရာခိုင်နှုန်းရရှိမည်

မန္တလေးတိုင်းဒေသကြီးမှ Stay At Home အစီစဉ်တွင် အကျုံးဝင်ပြီး လူမှုဖူလုံရေး အာမခံရုံးတွင် အာမခံထားသော လုပ်ငန်းများတွင် လုပ်ကိုင်နေသော အလုပ်သမားများကို လုပ်ခလစာရဲ့ (၄၀) ရာခိုင်နှုန်းပေးအပ်သွားမည်ဟု အောက်တိုဘာလ (၁၃) ရက်နေ့က မန္တလေးတိုင်း အစိုးရမှ ကြေညာခဲ့သည်။ 

ထို့ကဲ့သို့ ရရှိနိုင်ရန်အတွက် အာမခံထားသော လုပ်ငန်းများမှ (Stay At Home တွင်အကျုံးဝင်သော လုပ်ငန်းများသာ) အလုပ်ရှင် (သို့) တာဝန်ခံများမှ တဆင့်လျှောက်ထားနိုင်ကြောင်းကိုလည်း ထည့်သွင်းကြေညာထားသည်။ 

မန္တလေးတိုင်း အစိုးရမှ လုပ်အားလခ၏ (၄၀) ရာခိုင်နှုန်းကို အလုပ်သမားများနှင့် မိသားစုဝင်များအား ထောက်ပံ့ကြေး အနေဖြင့် ပေးအပ်နေခြင်း ဖြစ်ပါသည်။ ထိုကဲ့သို့ ရရှိရန် အောက်ပါအကြောင်းအရာများနှင့် ကိုက်ညီရမည် ဖြစ်ကြောင်း ပြောကြားထားသည်။ ၎င်းတို့မှာ…
(၁) ကျန်းမာရေးနှင့် အားကစားဝန်ကြီးဌာနမှ ထုတ်ပြန်ချက်များကို လိုက်နာသူ ဖြစ်ရမည် 
(၂) သက်ဆိုင်ရာဌာနများမှ စစ်ဆေးချက်များကို ပူးပေါင်းဆောင်ရွတ်ပေးရမည် 
(၃) သက်ဆိုင်ရာတိုင်းဒေသကြီးရဲ့ ခွင့်ပြုချက်ပါရှိရမည် ဖြစ်ပါသည်။ 

ထို့အပြင် ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မွန်ပြည်နယ်၊ ဧရာဝတီတိုင်းဒေသကြီး နှင့် မန္တလေးတိုင်းဒေသကြီး တို့တွင် သီခြားအမိန့်စာများ ထုတ်ပေးပြီး ဆောင်ရွက်လျက်ရှိနေသည်။ ယင်းကဲ့သို့ ထုတ်ပေးရာတွင် (၂၀၂၀) ခုနှစ် ဇန်နဝါရီလမှ စတင်ပြီး ဖြစ်သွင်းထားသော ရက်များမှ စတင်ကာ ထုတ်ပေးလျက် ရှိကြောင်း ပြောကြားထားပါသည်။ 

Stay At Home အစီစဉ်တွင် အကျုံးဝင်ပြီး လူမှုဖူလုံရေး အာမခံရုံးတွင် အာမခံထားသော လုပ်ငန်းများတွင် လုပ်ကိုင်နေသော အလုပ်သမားများကို ထောက်ပံ့ငွေရရှိရန် အွန်လိုင်းမှ တစ်ဆင့်လျှောက်ထားခြင်းဖြင့် ဖြစ်စေ၊ လူကိုယ်တိုင် လာရောက်၍ ဖြစ်‌စေ လျှောက်ထားနိုင်ကြောင်း ပြောကြားထားသည်။