မန္တလေး ဆေးရုံကြီးတွင် အရေးပေါ် အသုံးပြုရန် တစ်ရက်လျှင် သွေးပမာဏ (၁၀၀) ခန့်လိုအပ်နေ

by Thant"
မန္တလေး ဆေးရုံးကြီးသို့ အရေးပေါ် ထိခိုက်လူနာ၊ သွေးအားနည်း လူနာနှင့် အရေးပေါ်လူနာများ အတွက် သွေးပမာဏအားဖြင့် (၁၀၀) ခန့်လိုအပ်နေကြောင်း သိရှိရသည်။

ယခင်က မန္တလေးတိုင်း သွေးလှူဘဏ်တွင် သွေးလှူဒါန်းသူများသည် တစ်ရက်လျှင် လူဦးရေ စုစုပေါင်း (၁၂၀) ကျော်ရှိခဲ့ပြီး ယခုတွင် တစ်ရက်လျှင် လူ (၂၀) ပင်လာရောက် လှူဒါန်းရန် ခက်ခဲနေသည်ဟု သိရသည်။ ယခုလက်ရှိ သွေးလှူဘဏ်၌ B သွေးနှင့် O သွေးသာ လက်ကျန် ကျန်ရှိနေပြီး ကျန်တဲ့ သွေးအမျိုးအစားများမှာလဲ လက်ကျန် လျော့နည်း လာတာကြောင့် ယခုကဲ့သို့ အလှူရှင်များကို ဖိတ်ခေါ်နေခြင်း ဖြစ်ပါသည်။  

ကိုဗစ်ကာလဖြစ်သောကြောင့် မန္တလေးတိုင်းအတွင်းရှိ သွေးလှူဘဏ်သို့ လာရောက်သွေးလှူဒါန်းသူများသည် ယခင်ကထက် သိသိသာသာ လျော့နည်းလျက်ရှိနေသောကြောင့် ယခုကဲ့သို့ အွန်လိုင်းမှ တစ်ဆင့် ကြိုတင်ရက်ချိန်းယူကာ လှူဒါန်းနိုင်ကြောင်း ဖော်ပြထားသည်။ 

မန္တလေးဆေးရုံကြီးနှင့် တခြားသော အစိုးရ ဆေးရုံများသို့ မန္တလေးသွေးလှူဘဏ်မှ တစ်ဆင့် လိုအပ်သော သွေးပမာဏကို နေ့စဉ်ပို့ပေးလျက်ရှိပါသည်။ ယခုကဲ့သို့ ကိုဗစ်ကာလ အတွင်းမှာပင် မန္တလေး ဆေးရုံးကြီးသို့ အရေးပေါ် ထိခိုက်လူနာ၊ သွေးအားနည်း လူနာနှင့် အရေးပေါ်လူနာများ အတွက် သွေးပမာဏအားဖြင့် (၁၀၀) ခန့်လိုအပ်နေကြောင်း သိရှိရသည်။ 

သွေးလှူဘဏ်တွင် အရေးပေါ် အသုံးပြုရန် သွေးပမာဏမှာ ကျန်ရှိနေသေးသော်လည်း နည်းနေသောကြောင့် သွေးလှူဒါန်းရန် အလှူရှင်များအား ဖိတ်ခေါ်လျက်ရှိသည်။ ကိုဗစ်ကာလဖြစ်သောကြောင့် ရောဂါကူးဆက် ပြန့်ပွားမှုမှ ထိန်းသိမ်းကာကွယ်ရန်အတွက် လူနာအဆောင်များနှင့် ဝေးကာ လူစုလူဝေး မဖြစ်စေရန် အတွက် အွန်လိုင်းမှ တစ်ဆင့်ချိန်းဆိုပြီး သွားရောက်လှူဒါန်းနိုင်ကြောင်း သိရသည်။ 

လိပ်စာ - မန္တလေးမြို့၊ ပြည်သူ့ဆေးရုံကြီး၏ အနောက်ဖက် (၇၇) လမ်းနှင့် လမ်း (၄၀) ကြားမှာတည်ရှိပြီး 
Facebook Page - Mandalay General Blood Bank 
Ref: The mirror daily