By Thant
ပြည်ထောင်စုသမ္မတ မြန်မာနိုင်ငံတော် အစိုးရ ကျန်းမာရေး နှင့် အားကစားဝန်ကြီးဌာန မှ (၂၀၂၀) ပြည့်နှစ်၊ စက်တင်ဘာလ (၂၅) ရက် တွင် မန္တလေးတိုင်းအတွင်းမှ အချို့မြို့နယ်များအား Stay At Home အဖြစ် သတ်မှတ်လိုက်ပြီ ဖြစ်ကြောင်း ကြေညာခဲ့သည်။
ကျန်းမာရေး နှင့ အားကစား ဝန်ကြီးဌာန အနေဖြင့် ကူးစက်ရောဂါများ ကာကွယ်နှိမ်နင်းရေး ဥပဒေ ပုဒ်မ ၂၁ ပုဒ်မခွဲ (ခ) အရ ဤအမိန့်ကို ထုတ်ပြန်လိုက်ခြင်း ဖြစ်ပါသည်။
လတ်တလော အသက်ရှူလမ်းကြောင်း ဆိုင်ရာ ရောဂါ (COVID-19) နှင့်တစ်ပြေးညီ ဆောင်ရွက်လျက်ရှိရာ မွန်ပြည်နယ်၊ မန္တလေးတိုင်းဒေသကြီး၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးတို့အတွင်း ဓာတ်ခွဲအတည်ပြု လူနာများ ထပ်မံတွေ့ရှိရမှုများမှ အများစုသည် ခရီးသွားရာဇဝင် မရှိသည့်အပြင် ဓာတ်ခွဲအတည်ပြု လူနာများနှင့်လည်း ထိတွေ့ခြင်းမရှိခဲ့သည့် လူနာများ တွေ့ရှိရမှုကြောင့် ရောဂါကူးစက်ပျံ့နှံ့မှုကို ပိုမိုထိရောက်စွာ ထိန်းချုပ်နိုင် ရန်အတွက် မိမိနေအိမ်တွင် နေထိုင်ရန် (Stay at Home) လိုအပ်ပါသည်။
ထို့ကြောင့် မန္တလေးတိုင်း ဒေသကြီး အတွင်းမှ အောက်ဖော်ပြပါ မြို့နယ်များတွင် နေထိုင်သည့် ပြည်သူများအနေဖြင့် နေအိမ်တွင်နေထိုင်ရေး (Stay at Home) အစီအစဉ်တွင် အကျုံး ဝင်ကြောင်း ကြေညာလိုက်သည်
(၁) မဟာအောင်မြေ မြို့နယ်
(၂) ချမ်းအေးသာဇံ မြို့နယ်
(၃) အမရပူရ မြို့နယ်
အဆိုပါမြို့နယ် ၁၁ မြို့နယ်ရှိ နေအိမ်တွင် နေထိုင်ရေး (Stay at Home) အစီအစဉ်တွင် အကျုံးဝင်သော ပြည်သူများသည် အစိုးရမှ ထုတ်ပြန်ထားသော စည်းကမ်းချက်များကို လိုက်နာရမည် ဖြစ်ကြောင်း ကိုလည်း ကြေညာခဲ့သည်။
source: နိုင်ငံတော်အစိုးရ
Sign In with Google