လူငယ်တွေအတွက် စိတ်ခွန်အားရစေမယ့် ကိုရီးယားဇတ်လမ်းတွဲ Record Of Youth

‘Record of Youth’ ဒရာမာ ဇာတ်ကားလေးကိုတော့ စက်တင်ဘာလ (၇) ရက်နေ့မှာ Netflix နဲ့ TVN တို့ကနေ စတင်ထုတ်လွှင့်ခဲ့တာ ဖြစ်ပြီး ဖက်ရှင်လောကမှာ ဒိတ်ဒိတ်ကြဲ အောင်မြင်တဲ့သူတွေဖြစ်လာဖို့ ကြိုးစားကျမယ့် လူငယ် ၃ ယောက် အကြောင်းကို Director Ahn Gil-Ho ကရိုက်ကူးခဲ့တာ ဖြစ်ပါတယ်။

ဒီဇာတ်ကားမှတော့ အဓိက သရုတ်ဆောင်တွေ နေရာမှာတော့ စစ်မှုတာဝန်ထမ်းဆောင်သွားပြီဖြစ်တဲ့ မင်းသားချော Park Bogum ၊ မင်းသမီး Park Sodam ၊ မင်းသား Byun Wooseok တို့ ပါဝင် သရုပ်ဆောင်ထားတာဖြစ်ပါတယ်။

ဇာတ်လမ်းလေးထဲမှာတော့ Sa Hye Joon(Park Bo Gum )က အချိန်ပိုင်း အလုပ်တွေလုပ်ရင်း မော်ဒယ်လောကထဲကို ဝင်လာဖို့ ကြိုးစားနေသူဖြစ်ပြီး မော်ဒယ်လောကထဲကနေ တဆင့် သရုပ်ဆောင်တစ်ယောက်ဖြစ်လာဖို့က သူ့ရဲ့ အိပ်မက်တစ်ခု ဖြစ်ပါတယ်။ 

အဓိက မင်းသမီး ဖြစ်တဲ့ Ahn Jung Ha(Park So Dam) ကတော့ မိတ်ကပ်လိမ်းခြယ်တဲ့နေရာမှာ အလွန်တော်တဲ့ မိတ်ကပ်ပညာရှင်တစ်ယောက်ပါ။ ဘယ်လိုပွဲမျိုးမဆို ဘယ်မိတ်ကပ်ပုံစံနဲ့ လိုက်တယ်ဆိုတဲ့နေရာမှာ နာမည်ကြီးသူမျိုး။

အဓိက သရုပ်ဆောင် တစ်ယောက် ဖြစ်တဲ့ Byun Wooseok ကတော့ မော်ဒယ်ရှိုးပွဲတစ်ခုမှာ Sa Hye Joo nကို မိတ်ကပ်ပြင်ပေးဖို့ တာဝန်ယူလိုက်သူက Ahn Jung Ha ဖြစ်နေချိန်မှာတော့ မထင်မှတ်ထားတာလေးတွေ ဖြစ်ပေါ် လာပါတော့တယ်။ 

ဒီဇာတ်ကားလေးမှာ OST သီဆိုမယ့် Star-studded lineup စာရင်းကို ဇာတ်ကားမထွက် မှီကတည်းက  ထုတ်ပြန်ကြေညာခဲ့တာ ဖြစ်ပြီး EXO အဖွဲ့ဝင် Baekhyun အပါအဝင် SEVENTEEN’s Seungkwan ၊ CHUNG HA ၊ MAMAMOO’s Wheein ၊ Lee Hi ၊ Kim Jaehwan နဲ့ J Rabbit တို့လည်း ပါဝင်တာကို သိရပါတယ်။ 

သူတို့ဖြစ်ချင်တဲ့ အိပ်မက်တွေကို တကယ် အကောင်အထည် ဖော်နိုင်နိုင်ဖို့ မဖြစ်ဖြစ်အောင် ကြိုးစားရင်း တစ်ယောက်နဲ့တစ်ယောက် ဘယ်လိုတွေ ကူညီပေးကြမလဲ။ သူတို့နှစ်ယောက်ကြားထဲမှာ တတိယလူဆိုတာ ပေါ်လာဦးမလား ဆိုတာကိုတော့ ဇာတ်ကားလေးမှာ ကြည့်ရှုနိုင်ပြီ ဖြစ်ပါတယ်။