တရုတ်နိုင်ငံတွင်းတွင် ကိုရိုနာဗိုင်းရပ်စ် ကာကွယ်ဆေးကို ဒေါ်လာ (၆၀) ဖြင့်ရောင်းချနေပြီ

Ads Ads Ads

တရုတ်နိုင်ငံအရှေ့ပိုင်းရှိ မြို့တစ်မြို့တွင် ဒေသခံအချို့ကို အမေရိကန်ဒေါ်လာ (၆၀) တန် စမ်းသပ်ဆဲ ကိုရိုနာဗိုင်းရပ်စ် ကာကွယ်ဆေးများ ရောင်းချပေးနေကြောင်း ကျန်းမာရေး ဌာနမှ တာဝန်ရှိသူများက အောက်တိုဘာခ (၁၆) ရက်နေ့က ပြောကြားခဲ့သည်။

ယခုအခါတွင် အရေးပေါ်လိုအပ်သူ အသက် (၁၈) နှစ်မှ (၅၉) နှစ်ကြား ဒေသခံများအနေဖြင့်  ဆေးခန်းများ၌  ရရှိနိုင်ကြောင်း ပြောကြားထားသည်။ 

ယခင်က တရုတ်နိုင်ငံ၏ Sinovac Biotech ကုမ္ပဏီထုတ် စမ်းသတ်ဆဲ COVID-19 ဗိုင်းရပ်စ်ကာကွယ်ဆေးကို ယခင်က အောက်ပါနေရာများတွင် ထိုးပေးခဲ့ကြောင်း သိရှိရသည်။ ယင်းနေရာများမှာ..
တရုတ်နိုင်ငံတစ်ဝန်းရှိ ဆိပ်ကမ်းများ၊ 
ဆေးရုံများ၊ 
အန္တရာယ် များသောဒေသများ၊ 
မရှိမဖြစ် အရေးပါသော အလုပ်သမားများစွာ နှင့် 
ဆရာဝန်များနှင့် သူနာပြုများကို စမ်းသပ်ဆဲ ဗိုင်းရပ်စ်ကာကွယ်ဆေးကို ထိုးပေးခဲ့ကြောင်း တာဝန်ရှိသူများ၏ ပြောကြားချက်အရ သိရသည်။

တရုတ်နိုင်ငံထုတ် ဗိုင်းရပ်စ်ကာကွယ်ဆေး (၁၁) မျိုးမှာ လက်တွေ့စမ်းသပ်မှု အဆင့်ရောက်ရှိနေပြီး ဖြစ်ပါသည်။  လေးမျိုးက အဆင့် (၃) စမ်းသပ်မှုများ အဆင့်အထိ  ရောက်ရှိနေသော်လည်း စျေးကွက်အတွင်းဖြန့်ဖြူးရန်    အတည်မပြုရသေးပေ။

တရုတ်နိုင်ငံမှ အများတတ်နိုင်မည့်  ဗိုင်းရပ်စ်ကာကွယ်ဆေး  အလုံးရေ သန်းပေါင်း (၆၁၀) ကို  နှစ်စဉ်ထုတ်လုပ်နိုင်မည်ဟု   မျှော်မှန်းရ ကြောင်း တစ်ကမ္ဘာလုံးဆိုင်ရာ ကျန်းမာရေးဌာနမှ တရားဝင် ပြောကြားထားပြီး ဖွံ့ဖြိုးဆဲ နိုင်ငံများသို့ COVID-19 ရောဂါ ကာကွယ်ဆေးများ ဖြန့်ဖြူး ပေးရန် ကမ္ဘာ့ကျန်းမာရေးအဖွဲ့ ဦးဆောင်သော အစီအစဉ်၌ လက်မှတ်ရေးထိုးခဲ့သည်။

Ref: AFP 
 

Business Health & Wellness Live-Style Shopping & Promo Read 347 times