WHO ၏ ထောက်ပံ့ပို့ဆောင်ရေး ဝန်ဆောင်မှုအစီအစဉ်ဖြင့် ကျွမ်းကျင်ဝန်ထမ်းများ မြန်မာနိုင်ငံသို့ ရောက်ရှိ

ကမ္ဘာ့စားနပ်ရိက္ခာအစီအစဉ် (WFP)၏ ကမ္ဘာလုံးဆိုင်ရာ ထောက်ပံ့ပို့ဆောင်ရေး ဝန်ဆောင်မှုအစီအစဉ်ဖြင့် မြန်မာ နိုင်ငံ၌ COVID-19 ရောဂါ ကာကွယ်၊ ထိန်းချုပ်၊ တိုက်ဖျက် ရေးလုပ်ငန်းများ ဆောင်ရွက်ရာတွင်  အသုံးပြုရန် ကမ္ဘာ့ ကျန်းမာရေးအဖွဲ့ (WHO) က ထောက်ပံ့ကူညီ လျက်ရှိသည်။ 

ကုလ သမဂ္ဂကိုယ်စား ကမ္ဘာ့စားနပ်ရိက္ခာအစီအစဉ် (WFP) ၏ စီမံခန့်ခွဲမှုဖြင့် လူသားချင်း စာနာထောက်ထားမှု ဆိုင်ရာ လေကြောင်းပျံသန်းမှု အကူအညီ အစီအစဉ်ကို မေ (၁၀) ရက်တွင် စတင်ဆောင်ရွက်ခဲ့ရာ ယင်းအစီအစဉ်အရ ယခုကဲ့သို့ လာရောက်ချင်း ဖြစ်ပြီး ယခုလာရောက်ခြင်းသည် (၂၄) ကြိမ်မြောက် ခရီးစဉ် အဖြစ် ရောက်ရှိလာခြင်းဖြစ်သည်။

ထိုသို့ ကူညီရာတွင် ဆေးရုံသုံး လက်အိတ်များနှင့် လူသားချင်း စာနာထောက်ထားမှု ဖွံ့ဖြိုးရေးဆိုင်ရာ ကူညီဆောင်ရွက်ပေးမည့် ကျွမ်းကျင် ဝန်ထမ်းများ တင်ဆောင်လာသော အထူးလေယာဉ်သည် မလေးရှားနိုင်ငံမှ ရန်ကုန် အပြည်ပြည်ဆိုင်ရာလေဆိပ်သို့ ရောက်ရှိလာသည်။ 

ကုလသမဂ္ဂ  ကမ္ဘာ့စားနပ်ရိက္ခာအစီအစဉ်(WFP)၏   မြန်မာနိုင်ငံဆိုင်ရာ ဌာနေကိုယ်စားလှယ် Mr. Stephen Anderson က ယခု လာရောက် ကူညီရာတွင် မြန်မာနိုင်ငံရဲ့ COVID-19 ရောဂါ တုံ့ပြန်ရေး လုပ်ငန်းတွေမှာ အသုံးပြုဖို့ WHO က ဝယ်ယူထားတဲ့ တစ်ကိုယ်ရေသုံး ကာကွယ်ရေးပစ္စည်းတွေကို သယ်ဆောင် လာခဲ့ကြောင်း ပြောကြားထားသည်။ 

ကမ္ဘာ့ကျန်းမာရေးအဖွဲ့ (WHO) ကျန်းမာရေးနှင့် အားကစားဝန်ကြီးဌာနသို့ ထောက်ပံ့ကူညီ မည့် ဆေးရုံသုံးလက်အိတ်အစုံ (၄၃,၀၀၀) နှင့်အတူ  ကုလ သမဂ္ဂအဖွဲ့အစည်းများနှင့် JICA ၊ ICRC ၊ UKAID စသည့် အဖွဲ့အစည်းများမှ သက်ဆိုင်ရာနယ်ပယ်အလိုက် ကျွမ်းကျင်ပညာရှင်ဝန်ထမ်းများ လိုက်ပါလာကြသည်။

Ref: Mrtv news