မန္တလေးရှိ မြို့နယ် (၄) ခုတွင် လက်ဖက်ရည်ဆိုင်နှင့် စားသောက်ဆိုင်များ ပြန်ဖွင့်ခွင့်ပြုမည်

မန္တလေးတိုင်းအတွင်းရှိ ချမ်းမြသာစည်မြို့နယ်၊ ပုသိမ်ကြီးမြို့နယ်၊ ပြည်ကြီးတံခွန်မြို့နယ်နှင့် အောင်မြေသာစံမြို့နယ်များတွင် လက်ဖက်ရည်ဆိုင်နှင့် စားသောက်ဆိုင်များ ပြန်လည် ဖွင့်ခွင့်ပြုတော့မည် ဖြစ်ကြောင်း ပြည်ထောင်စု အစိုးရ အဖွဲ့မှ နိုဝင်ဘာလ (၁၈) ရက်နေ့တွင် ထုတ်ပြန်ကြေညာခဲ့ပါသည်။
 
၎င်းအမိန့်ကို အစိုးရအဖွဲ့မှ အမိန့်အမှတ် ၁၀၂/၂၀၂၀ အရ ထုတ်ပြန်ထားခြင်း ဖြစ်ပြီး အောက်ပါ Stay at Home သတ်မှတ်ထားသည့် မြို့နယ်များမှလွဲ၍ မန္တလေးမြို့ အပါအဝင် တစ်နိုင်ငံလုံးရှိ မြို့နယ်အားလုံး၌ လက်ဖက်ရည်ဆိုင်၊ စားသောက်ဆိုင်များကို ပြန်လည် ဖွင့်လှစ်နိုင်တော့မည် ဖြစ်သည်။ 
 
၁။ ရခိုင်ပြည်နယ် - မြို့နယ်အားလုံး

၂။ ရန်ကုန်တိုင်းဒေသကြီး – တစ်တိုင်းလုံး ( ကိုကိုကျွန်းမပါ )

၃။ မန္တလေးတိုင်ဒေသကြီးး – မဟာအောင်မြေ၊ ချမ်းအေးသာစံ၊ အမရပူရ၊

၄။ ပဲခူးတိုင်ဒေသကြီးး – ကဝ၊ ပဲခူး၊ သနပ်ပင်

၅။ မွန်ပြည်နယ် – မော်လမြိုင်၊ ဘီးလင်း

၆။ ကချင်ပြည်နယ် – မိုးညှင်း၊ ဖားကန့်

၇။ ဧရာဝတီတိုင်း – ပုသိမ်၊ ဖျာပုံ၊ မအူပင်၊ ကျိုက်လတ်

 ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားသည့် အမိန့်များဖြစ်သော... 

Stay at Home နေထိုင်ကြရန်၊ 

ည (၁၂) နာရီမှ မနက် (၄) အထိ ညမထွက်ကြရန်၊

လူ (၃၀) ဦးနှင့်အထက် လူစုလူဝေး မပြုလုပ်ရန်၊  

ပြည်ပသို့ ခရီးသွားလာမှုများ မပြုရန် စသည့် ကန့်သတ်ချက်အားလုံးသည် ယခုချိန်ထိ ဆက်လက် အသက်ဝင်နေဆဲ ဖြစ်သည်။

ယခုအချိန်ကာလသည် COVID-19 ရောဂါ ကူးစက်ပြန့်ပွားနိုင်သည့် အန္တရာယ် ကြီးမားသော အခြေအနေတစ်ရပ် ဖြစ်တာကြောင့် ပြည်သူများအနေဖြင့် ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားသည့် အမိန့်ညွှန်ကြားချက်များကို တိကျ သေချာစွာ လိုက်နာကြရန် လိုအပ်သည်။