By Thant
ကိုဗစ်ရောဂါ ထိန်းချုပ်ကာကွယ်ရေးအတွက် နိုင်ငံတော် အနေဖြင့် မြန်မာငွေကင်္ပ သန်း (၁၀၀၀)ကျော်အထိ အသုံးပြုသွားမည် ဖြစ်ကြောင်း စက်တင်ဘာလ (၂၁) ရက်နေ့က သိရှိရသည်။
ယင်း အကြောင်းအရာအား ရောဂါဖြစ်ပွားမှု နောက်ဆုံးအခြေအနေနှင့်စပ်လျဉ်း၍ ပြည်သူများသို့ အစီရင်ခံတင်ပြသည့် မိန့်ခွန်းတွင် COVID-19 ရောဂါ ကာကွယ်၊ ထိန်းချုပ်၊ ကုသရေးအမျိုးသားအဆင့် ဗဟိုကော်မတီဥက္ကဋ္ဌ၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ ပြောကြားခဲ့ခြင်း ဖြစ်ပါသည်။
ထို့အပြင် COVID-19 ကာကွယ်ဆေးအား ထုတ်လုပ်နိုင်သည့် အခြေအနေ ရောက်ခဲ့လျှင် (သို့) ကုသဆေး ပေါ်ပေါက်လာလျှင် အချိန်နဲ့တစ်ပြေးညီ ဆောင်ရွတ်နိုင်ရန် စီစဉ်ထားပြီး ဖြစ်ကြောင်းကိုလည်း သိရသည်။ ၎င်းဆေးများအား ကမ္ဘာ့ကျန်းမာရေးဌာနမှ အတည်ပြုမှသာ အသုံးပြုသွားမည် ဖြစ်ကြောင်း မိန့်ခွန်းတွင် ပြောကြားခဲ့သည်။
COVID-19 ကာကွယ်ရေးအတွက် အသုံးပြုသွားမည့် သန်း (၁၀၀၀) ကျော်သည် ဘဏ္ဍာရေးဝန်ကြီးဌာနမှ သဘာဝဘေးအန္တရာယ်အတွက် ဖယ်ထုတ်ထားသော ရန်ပုံငွေ အမျိုးဖြစ်ပြီး ကိုဗစ်ရောဂါနဲ့ပတ်သက်တဲ့ အကျိုးဆက်များနှင့် လိုအပ်ချက်များ အတွက် အသုံးပြုသွားမည် ဖြစ်ပါသည်။
ယင်းနောက် နိုင်ငံတော်၏အတိုင်ပင်ခံပုဂ္ဂိုလ်က ကျန်းမာရေးနှင့်အားကစားဝန်ကြီးဌာန၏ ထုတ်ပြန်ချက်များကို လိုက်နာကြရန် တိုက်တွန်းလိုက်ကာ ထိုသို့လိုက်နာမည်ဆိုပါက ကိုဗစ်ထိန်းချုပ်မှု လုပ်ငန်း မြန်မြန်အောင်မြင်လိမ့်မည်ဟု ပြောဆိုခဲ့သည်။
Sign In with Google