မန်းသင်္ကြန်ပုံရိပ်တွေနဲ့ ရိုမန့်တစ်ဆန်ဆန် ကြည့်ရှုရမယ့် “ ပိတောက်ကတဲ့ ဂီတ “

Frenzo Production ကနေ တင်ဆက်ပြီးတော့ ဒါရိုက်တာ မီးပွားရိုက်ကူးထားတဲ့ “ ပိတောက်ကတဲ့ ဂီတ “ ရုပ်ရှင်ဇာတ်ကားမှာ နှုတ်ခမ်းနီမလေးတွေရဲ့ အသည်းစွဲ စိုင်းစိုင်းခမ်းလှိုင်နဲ့ ပိုးမမှီသာတို့နဲ့အတူ နာမည်ကြီးဝါရင့်သရုပ်ဆောင်တွေဖြစ်ကြတဲ့ ကျော်သူ၊ ဇင်ဝိုင်း၊ စိုင်းစိုင်းခမ်းလှိုင်၊ ချိုပြုံး၊ စိုးမြတ်သူဇာ၊ မေသ ဉ္ဇာဦး၊ အေးမြတ်သူ တို့မှ ပါဝင်သရုပ်ဆောင်ထားတာ ဖြစ်ပါတယ်။

ဒီဇာတ်ကားဟာ ဂီတကိုအခြေခံပြီး ရိုက်ကူးထားတဲ့ ဇာတ်ကားဖြစ်ပြီးတော့ သင်္ကြန်ရာသီအမီ အပြင်အဆင်၊ အခင်းအကျင်းတွေနဲ့ ပုံဖော်ထားတာပဲဖြစ်ပါတယ်။ ဒီကားလေးမှာ စိုင်းစိုင်းက အဂ္ဂါအဖြစ် အဓိက ပါဝင်သရုပ်ဆောင်ထားပြီး ဆေးတ္ကသိုလ်က Queen လေး ပိုးမမှီသာကတော့ ပိုးမဒီ အဖြစ် ပါဝင်သရုပ်ဆောင်ထားပါတယ်။ ဒီဇာတ်ကားဟာ ပိုးမမှီသာရဲ့ ပထမဆုံးဇာတ်ကားလေးလည်း ဖြစ်ပါတယ်။

“ ပိတောက်ကတဲ့ ဂီတ “ ဇာတ်ကားကို ပြီးခဲ့ မန္တလေးသင်္ကြန်မှာ ရိုက်ကူးထားပြီ မြို့မနဲ့မန်းသင်္ကြန်ပုံရိပ်တွေ၊ မန္တလေးရှု့ခင်းတွေကို ဒီကားလေးမှာခံစားနိုင်မှာ ဖြစ်ပါတယ်။ ထူးခြားတာတစ်ခုကတော့ ဒီကားမှာ ဇာတ်ဝင်တေးသီချင်းတွေအများကြီးပါဝင်တာပါပဲ။ ဒါ့အပြင် ဦးမီးပွားရဲ့ အပြင်းစားရိုက်ချက်တွေကိုလဲ ကြည့်ရှုရမှာ ဖြစ်ပါတယ်။

သင်္ကြန်းနားနီးနေပြီး သင်္ကြန်ပိုးကြွနေချိန်မှာ ဒီဇာတ်ကားကို ကြည့်ဖို့အသင့်တော်ဆုံးပါပဲ။ ပရိသတ်တွေရဲ့ အကြိုက်တွေ့စေမယ့် အတာသင်္ကြန်ပွဲတော်ရဲ့ အငွေ့အသက်များကြား အချစ်ဇာတ်လမ်းလေးတစ်ပုဒ်ကို သီချင်းများနဲ့ စီခြယ်ထားတဲ့ “ပိတောက်တဲ့ ဂီတ”ဇာတ်ကားကြီးကို မတ်လ(၅)ရက်နေ့မှစတင်ပြီး တစ်နိုင်ငံလုံးရှိ ရုပ်ရှင်ရုံတွေမှာ ပြသခဲ့တာ ပဲဖြစ်ပါတယ်။