ကိုရိုနာဗိုင်းရကြောင့် ရက်အကန့်အသတ်မရှိ ရွှေ့ဆိုင်းလိုက်ရတဲ့ ရုပ်ရှင်ဇာတ်ကားများ

လက်ရှိအချိန်မှာ အားလုံးရဲ့ စိတ်ဝင်စားခြင်းနဲ့ ကြောက်ရွံခြင်းကို ခံစားနေရတဲ့ အရာကတော့ ကိုရိုနာဗိုင်းရပ်စ် ဖြစ်ပါတယ်။ ကိုရိုနာဗိုင်းရပ်စ်ရဲ့ ဒဏ်ကို ဥရောပ နိုင်ငံကြီးတွေကပါ ခံစားနေရပြီး တခြားဆိုးကျိုးတစ်ခုကတော့ ရုပ်ရှင်ချစ်ပရိတ်သတ်တွေ ခံစားရစေမယ့် သတင်းပဲဖြစ်ပါတယ်။

ကိုရိုနာဗိုင်းရပ်စ်ကြောင့် ပရိတ်သတ်တွေ မျှော်လင့်စောင့်စားနေကြတဲ့ ရုပ်ရှင်ဇာတ်ကားတွေဟာ ရုံတင်ရက် ရွှေ့ဆိုင်းသွားကြပါပြီ။ ရက်အကန့်အသတ်မဲ့ ရွှေ့ဆိုင်းတာတွေလည်း ရှိပါတယ်။ ဘယ်ဇာတ်ကားတွေက ရွှေ့ဆိုင်းလိုက်လဲဆိုတာကို My Yangon ပရိတ်သတ်တွေအတွက် ဖော်ပြပေးလိုက်ပါတယ်။

၁။ A Quiet Place

March 20 မှာ ရုံတင်ဖို့ ရှိတဲ့ မင်းသမီး Emily Blunt ရဲ့ အောင်မြင်ခဲ့တဲ့ Horror ရုပ်ရှင်ရဲ့ Sequel ဖြစ်တဲ့ A Quiet Place Part 2 ကတော့ ရုံတင်ရက်ကို ရက်အကန့်အသတ်မရှိ ရွှေ့ဆိုင်းသွားပါပြီ။ ဥရောပနိုင်ငံတွေမှာပဲ ရက်ရွှေ့မယ်လို့ သတင်းထွက်ခဲ့ရာကနေ အခုချိန်မှာ Director ဖြစ်သူ John Krasinski က Twitter ကတဆင့် တစ်ကမ္ဘာလုံးမှာ ပြသရက်ရွှေ့လိုက်ကြောင်းကို တရားဝင် ကြေညာခဲ့ပါတယ်။

၂။ The Lovebirds

Action-Comedy ကြိုက်သူတွေအတွက် Michael Showalter ရိုက်ထားပြီး Issa Rae နဲ့ Kumail Nanjiani တို့ သရုပ်ဆောင်ထားတဲ့ The Lovebirds ဇာတ်ကားဟာ South by Southwest Film Festival မှာ ပြသဖို့ ရှိခဲ့ပေမယ့် ထိုပွဲကလည်း ကိုရိုနာကြောင့် ဖျက်သိမ်းသွားပြီး Paramount ကလည်း ပြသရက် နောက်ဆုတ်ဖို့ ဆုံဖြတ်ခဲ့ပါတယ်။

၃။ Mulan

Disney ရဲ့ Remake တွေထဲက Serious အဖြစ်ဆုံး ရုပ်ရှင်ကတော့ ဘယ်လောက်ထိ Serious လဲဆိုတာကို နောက်ကျမှ မြင်ရပါတော့မယ်။ Disney ဘက်က ရက်အကန့်အသတ်မရှိ ရွှေ့ဆိုင်းထားတာမို့ ထွက်ရှိရက် အသစ်ကို မသိရသေးပါဘူး။

၄။ ANTLERS

20th Century Studios လက်အောက်ကနေ ထွက်မယ့် Antlers ဆိုတဲ့ Horror ကားကလည်း လူအများစောင့်မျှော်နေကြပေမယ့် Disney က ကိုရိုနာကြောင့် ရက်အကန့်အသတ်မရှိ ရွှေ့ဆိုင်းလိုက်ပါပြီ။

၅။ Peter Rabbit 2: The Runaway

Sony က ကိုရိုနာကြောက်လို့ စောစောစီးစီးကတည်းက ပီတာတို့ တစ်စုကို ရုံတင်ရက် ရွှေ့ပေးခဲ့ပါတယ်။ April မှာ ရုံတင်ဖို့ရှိတဲ့ ဒီဇာတ်ကားကို August မှ ရုံတင်တော့မှာပါ။

၆။ Fast and Furious 9

Vin Diesel ရဲ့ မပြီးနိုင်တဲ့ 1 Last Ride Saga ကြီးထဲက အသစ်စက်စက် Fast 9 ကတော့ ကိုရိုနာကြောင့် ရုံတင်ရက်ရွှေ့သွားပါပြီ။ မူလ သတ်မှတ်ခဲ့တဲ့ ရုံတင်ရက်ထက် တစ်နှစ်နောက်ကျပြီးမှ ထွက်ရှိလာမှာပါ။

၇။ No Time To Die

သေဖို့ အချိန်မရှိဘူးဆိုတဲ့ James Bond ရဲ့ 25 ကားမြောက်ရုပ်ရှင်ကတော့ ကိုရိုနာကို အစောဆုံးရှောင်ခဲ့တဲ့ ရုပ်ရှင်ပါ။ April မှာ ပြသဖို့ ရှိခဲ့ပေမယ့် November ကို ရုံတင်ရက်ရွှေ့လိုက်ပါပြီ။