အရင်နှစ်တွေထက် ထူးခြားတဲ့ အစီအစဉ်အသစ်တွေနဲ့ Myanmar Countdown 2021 ပွဲကြီး

New Year လည်း ရောက်တော့မယ်ဆိုတော့ ကိုယ်စီကိုယ်စီ ပျော်စရာတွေ ဘယ်လိုရှာရမလဲဆိုတာ စဉ်းစားနေကြမယ် ထင်ပါတယ်။ ဒီနှစ်က အရင်နှစ်တွေကလိုမျိုး Festival တွေနဲ့ ကဲလို့မရဘူးဆိုတော့ ပွဲငတ်နေသူတွေအတွက် အိမ်မှာနေရင်း အပြတ်ကဲလို့ရမယ့် အမိုက်စား အစီအစဉ်တစ်ခုကို လက်တို့လိုက်မယ်နော်။ 

အစီအစဉ်ကတော့ လာမယ့် ၂၀၂၁ နှစ်သစ်အတွက် MRTV 4 နဲ့ Myanmar Countdown ပူးပေါင်းပြီး Myanmar Countdown 2021 Live Show ကြီးကို Virtual Event Show အနေနဲ့ ခမ်းခမ်းနားနား တင်ဆက်ပေးတော့မယ်လို့ သိရပါတယ်။ 

ဒီပွဲမှာတော့ အရင်နှစ်တွေနဲ့ မတူ၊ တမူထူးခြားတဲ့ အစီအစဉ်တွေနဲ့ အန္တရယ်လည်းကင်း၊ ပျော်စရာလည်း ကောင်းမယ့် အစီအစဉ်သစ်တွေ ပါဝင်တယ်လို့ သိရပါတယ်။ ဒါ့အပြင် MRTV 4 ရုပ်သံလိုင်းကနေ တိုက်ရိုက် ထုတ်လွှင့်မှာ ဖြစ်ပါတယ်နော်။ 

Myanmar Countdown 2021 Live Concert ကို Telenor Myanmar ကနေ အဓိက ပါဝင်ကူညီပေးထားပြီးတော့ တစ်ခြားသော နာမည်ကြီး ကုမ္ပဏီများစွာကလည်း Countdown ပွဲအတွက် ပါဝင်ကူညီပေးထားတယ်လို့ သိရပါတယ်။ 

Countdown ရဲ့ Virtual Event Party ကို ဒီဇင်ဘာလ ၃၁ရက်နေ့၊ ည (၈)နာရီက စတင်ပြီး MRTV 4 ရုပ်သံလိုင်းကနေ တိုက်ရိုက် (LIVE) ထုတ်လွှင့်မှာ ဖြစ်ပြီးတော့ ပရိတ်သတ်အကြိုက် နာမည်ကြီး အနုပညာရှင်များစွာကလည်း ဒီပွဲအတွက် ပါဝင်အားဖြည့်သွားမှာ ဖြစ်ပါတယ်နော်။