ပြည်တွင်းအခွန်တွေကိုပါ ပေးဆောင်နိုင်မည့် MSP(Mandalay Smart Pay) အက်ပလီကေးရှင်း

ကိုဗစ်ကာလမှာ စည်ပင်ပိုင် ဈေးဆိုင်ခန်းခတွေ ငွေပေးဆောင်ကြတဲ့အခါ လူစုလူဝေးတွေကို ရင်မဆိုင်ချင်တဲ့ ပြည်သူတွေအတွက် အသုံးပြုရတာ လွယ်ကူရိုးရှင်းတဲ့ MSP (Mandalay Smart Pay)ကနေ ငွေပေးချေလို့ရတဲ့အပြင် ပြည်တွင်းအခွန်တွေကိုပါ ပေးဆောင်နိုင်ပြီ လို့ မန္တလေးမြို့တော် စည်ပင်သာယာရေးကော်မတီထံမှ သိရပါတယ်။

မန္တလေးမြို့တော် စည်ပင်သာယာရေး ကော်မတီပိုင် ဈေးပေါင်း ၄၃ ဈေးမှာ ဖွင့်လှစ်ရောင်းချနေတဲ့ ဈေးဆိုင်ခန်းခတွေကို MSP ကနေပေးဆောင်နိုင်ဖို့အတွက် အခွန်စာရွက်မှာ QR Code တွေပါထည့်သွင်း ပေးထားမှာ ဖြစ်ပါတယ်။

"နိုဝင်ဘာလမှာ ကောက်ခံမယ့် ဆိုင်ခန်းခွန် နှိုးဆော်စာတွေမှာ QR codeတွေ ထည့်သွင်း ပေးထားတာ ဖြစ်တဲ့အတွက် အွန်လိုင်းကနေ ဆိုင်ခန်းခတွေကို ပေးဆောင်လို့ရပါပြီ။ MSP ဆော့ဖ်ဝဲထဲ ဝင်ပြီး ဆိုင်ခန်းခွန် နှိုးဆော်စာထဲမှာ ထည့်သွင်းထားတဲ့ QR code ကို Scan ဖတ်လိုက်တာနဲ့ ဆိုင်ခန်းရှင်နဲ့ ပတ်သက်တဲ့ အချက်အလက်တွေကျလာမယ်။ အချက်အလက်တွေ မှန်ကန်တယ်ဆိုရင် အလွယ်တကူ ပေးလို့ရပြီ" လို့ မန္တလေးမြို့တော် စည်ပင်သာယာရေးကော်မတီဝင် ဦးကျော်ဆန်းမြင့်ရဲ့ ပြောကြားခဲ့ပါတယ်။

ဒီအက်ပ်က ပေးဆောင်ရတာ လွယ်တယ်၊ ရိုးရှင်းတယ်၊ စိတ်ချရတယ် ၊နည်းပညာမြင့်တယ်၊ စက္ကန့်ပိုင်းပဲ အချိန်ပေးရတယ်။ မှားပြီး ဒုတိယအကြမ် ထပ်ပေးလို့မရအောင် စနစ်က တားဆီးပေးမှာ ဖြစ်ပါတယ်။ အခွန်ပေးဆောင်ပြီးကြောင်းကိုလည်း Screen Shotနဲ့ ဖုန်း Gallery ထဲမှာ အလိုအလျောက် သိမ်းဆည်းသွားမှာ ဖြစ်ပါတယ်။

ဒါ့အပြင် MSP payကနေ အခွန်ဆောင်ခြင်းက အချိန်ကုန်သက်သာစေတယ်၊ ကျပ်၊ ပြား စွန်းများအတွက် အတိအကျ ပေးဆောင်နိုင်တယ်၊ ငွေစက္ကူကို ကိုင်တွယ်ပေးချေဖို့ မလိုအပ်ဘဲ ငွေစက္ကူမှ တစ်ဆင့် ကူးစက်တက်တဲ့ ရောဂါပိုးများကိုလည်း ကာကွယ်ပေးတယ် စတဲ့ အကျိုးကျေးဇူးတွေ ရရှိစေမှာ ဖြစ်ပြီး ပျော်စရာ အစီအစဥ်လေးအနေနဲ့ တစ်ကြိမ်ပေးဆောင်ပြီးတိုင်း မုန့်ဖိုးတွေလည်း ပြန်ပေးသွားမယ်လို့ သိရပါတယ်။ အခွန်ပေးဆောင်မှုအားလုံးအတွက် ဝန်ဆောင်ခ လုံးဝမဖြတ်တောက်ပါ။ 

MSP အက်ပလီကေးရှင်းကို Google play storeမှာ download လုပ်ပြီးရင် စည်ပင် မြို့နယ်ရုံးများ၊ ရတနာပုံဘဏ်၊ AYA၊ MAB ဘဏ်များ၊ CB Mobile banking များ၊ MSP agent ဆိုင်များ၊ MPU card၊ Sai Sai pay၊ Visa card၊ Master card၊ 123 service ရှိ Near me ဆိုင်များ၊ g & g၊ abc convenient store များ၊ အများသုံးသန့်စင်ခန်းများတွင် အလွယ်တကူ ငွေဖြည့်သွင်းနိုင်ပါတယ်။

MSP application ကို install လုပ်ဖို့ link လေးပါ။ 

>>> https://www.mandalaysmartpay.com/download/

By Mandalay Directory